जाकार्ता : इन्डोनेसियाको पपुआ प्रान्तमा पर्ने जयपुरा जिल्लामा गत शनिबार साँझ आएको बाढी र पहिरोमा परी मृत्यु हुने व्यक्तिको सङ्ख्या ७७ पुगेको छ ।
यस घटनामा ११६ जना घाइते भएका र उद्धारको प्रयास जारी रहेको एक स्थानीय अधिकारीहरूले सिन्ह्वा समाचार समितिलाई बताएका छन् ।
खोजी र उद्धार कार्य जारी रहेका युदी यान्टो जिल्लामा रहेको उद्धार कार्यलयका प्रवक्ता जानकारी दिएका छन् ।
स्थानीय समयानुसार साँझ शनिबार छ बजे आएको यस बाढीमा परी अझै पनि कैयौँ व्यक्ति बेपत्ता रहेका छन् । बाढीबाट प्रभावित भएकाहरूमध्ये हजारौँ व्यक्तिलाई सुरक्षित स्थानमा स्थानान्तरण गरिएको बताइएको छ ।
बाढीले दर्जनौँ घर, पुल र सडकलगायतका भौतिक संरचनामा पनि क्षति पुर्याएको बताइएको छ । घटनाबाट प्रभावितलाई खोजी तथा उद्धार र राहत वितरण भइरहेको सरकारी अधिकारीले जनाएका छन् ।
प्रकाशित मिति: सोमबार, चैत ४, २०७५ २१:२५
