चेल्सीले यूईएफए युरोपा लिगको क्वार्टरफाइनलमा प्रवेश गरेको छ । बिहीबार राति भएको प्रि क्वार्टरफाइनलको दोस्रो लेगमा डाइनामो किभलाई ५–० ले हराउँदै क्वार्टरफाइनलमा स्थान बनाएको हो।
चेल्सीलाई प्रभावशाली जित दिलाउन ओलिभर जिरुडले ह्याट्रिक गरे । खेलको ५ औं मिनेटमा पहिलो गोल गरेका जिरुडले ३३ औं मिनेटमा दोस्रो गोल थपे । पहिलो हाफको इन्जुरी समयको पहिलो मिनेटमा मार्कोस अलान्सोको गोल मार्फत चेल्सीले तीन शून्यको अग्रता बनायो ।
त्यसपछि ५९ औं मिनेटमा जिरुडले गोल गर्दै ब्यक्तिगत ह्याट्रिक पुरा गरे भने टिमलाई चार शुन्यले अगाडी राखे । ७८ औं मिनेटमा हुडसोन ओडोइले टिमका लागि पाँचौ गोल गरे ।
प्रकाशित मिति: शुक्रबार, चैत १, २०७५ ११:४१
