काठमाडौं : ज्योतिष पण्डित ओजराज उपाध्याय लोहनीले वर्ष २०७६ नेपालका लागि मिश्रित रहेको बताएका छन् । वर्षको सुुरुआत चुनौतीपूर्ण रहेको र अन्त्य भने राम्रो रहेको उनले बताए । यस वर्षको संवत्सरको नाम परिधावी रहेको भन्दै उनले भने, ‘राजामा शनि र मन्त्रीको जिम्मेवारी सूर्यले पाएका छन् । यो गत वर्षको विपरीत हो ।’
उनले यस वर्ष जेठ ८ गतेसम्म राजनीतिक, प्राकृतिक र वैदेशिक रूपमा कठिन रहेको भविष्यवाणी गरे । वर्ष ०७६ मा सत्ता परिवर्तन हुनसक्ने, सैन्यशक्ति हाबी हुनसक्ने र विदेशी हस्तक्षेप बढ्न सक्ने विश्लेषण गरेका छन् । शनि वक्र भाद्र २९ गतेसम्म रहने भएकाले त्यो समय कठिन अवस्था छ ।
‘शनिलाई केतुले ग्रहण योग बनाउने र साथमा वृहस्पति जेठ ८ गतेसम्म धनु राशिमा रहने तथा वैशाख २५ देखि मिथुन राशिमा प्रवेश गरेको मंगल असार ९ गतेसम्म रहने हुँदा त्यो समय शनि विक्षिप्त हुने र शनि सूर्यबीचको द्वन्द्वमा असार १ देखि ७ सम्म सूर्य, मंगल, बुध, साथठ रहने हुँदा त्यो समय अति अशुभ हुने छ’, उनले भनेका छन् ।
कात्तिक १३ पछि भने देशमा राजनीतिक स्थायित्व हुने उनले संकेत गरेका छन् ।
प्रकाशित मिति: आइतबार, वैशाख १, २०७६ २३:५५