काठमाडौ : नयाँ शक्ति पार्टिका संयोजक बाबुराम भट्टराईले थारू युवाहरू आन्दोलनको मुडमा रहेको बताएका छन् । संघीयतामा ठगिएको र टनकपुर घटनामा राज्यले झन् हेपेर दोहोरो मापदण्ड बनाएको अनुभूत गर्दै थारू युवाहरू नयाँ आन्दोलनको मूडमा देखिएको उनको विश्लेषण छ । आफ्नो फेसबुकवालमा थारू युवासँगको फोटो राख्दै बिहिबार राती उनले पानी र आगोलाई सानो भनेर नहेप्न पनि सुझाएका छन् ।
आजिवन जन्मकैद सुनाइएका रेशम चौधरीप्रति नरम देखिँदै आएका भट्टराईले थारू युवा आन्दोलनको मुडमा रहेको बताउनुलाई राजनीतिकवृत्तमा अर्थपुर्ण रूपमा हेरिएको छ ।
कावासोती नपा १५, बाघखोरमा संचालित अमलटारी होमस्टेमा बस्दा र थारू बौद्धिक र युवाहरूसंग सम्बाद गर्दा आफुले त्यस्तो छनक भेटाएको भट्टराईले लेखेका छन् ।
के लेखेका छन् उनले ?
संघीयतामा ठगिएको र टीकापुर घटनामा राज्यले झन् हेपेर दोहोरो मापदण्ड अपनाएको अनुभूत गर्दै थारू युवाहरू नयाँ आन्दोलनको मूडमा देखिए है !
कावासोती नपा १५, बाघखोरमा संचालित अमलटारी होमस्टेमा बस्दा र थारू बौद्धिक र युवाहरूसंग सम्बाद गर्दा यस्तो छनक भेटियो ! पानी र आगोलाई सानो भनेर नहेप्नु भनिन्छ ! स्मरण रहोस्!
तस्विर :बाबुराम भटराईको फेसबुकबाट
प्रकाशित मिति: बिहीबार, चैत ७, २०७५ २१:४५
