काठमाडौं : नेपाली कांग्रेसका महामन्त्री डा. शशांक कोइरालाले जनताले माग गरे गणतन्त्रब कि राजतन्त्र भन्ने विषयमा पनि जनमत संग्रहमा जानुपर्ने बताएका छन् । होलीको अवसरमा टोखास्थित निवासमा आफ्ना कार्यकर्ताहरु र शेच्छुकहरुकाबिचमा उनले भने, ‘माग भयो भने संघीयता राख्ने कि खारेज गर्ने भन्ने विषय र गणतन्त्र कि राजतन्त्र भन्ने विषयमा पनि जनमत संग्रहमा जानु पर्छ ।जनमत लिन हामी किन डराउनु पर्यो ? ’
त्यस्तै उनले करिब ८० प्रतिशत हिन्दु भएको मुलुकलाई राजनीति निर्णयबाट धर्मनिरपेक्ष घोषणा गरिनु गलत भएको पनि दोहोर्याए । हिन्दु राष्ट्र कायम गराउने कि धर्म निरपेक्षतानै राख्ने भन्ने विषयमा तत्काल जनमत संग्रहमा जानुपर्ने उनको भनाई थियो । ‘यस विषयमा जनताको राय लिनैपर्छ । तत्काल धर्मनिरपेक्ष कायम गर्ने कि हिन्दु राज्य घोषणा गर्ने भन्नेमा जनमत संग्रह गर्नुपर्छ ,’ कोइरालाले भने ।
कोइराला पार्टी अव एक ढिक्का भएर अघि बढ्ने र संसदमा समेत भूमिका प्रभावकारी बनाउने बताए ।
प्रकाशित मिति: बुधबार, चैत ६, २०७५ १६:३६
