षडानन्द नगरपालिको दिङ्लामा सञ्चालित शिविरमा आँखाको शल्यक्रिया गरिएका बिरामीहरू ।
भोजपुर । पूर्वी पहाडी जिल्ला भोजपुरको उत्तरी षडानन्द नगरपालिकामा सञ्चालित आँखा शिविरमा बीस जनाको शल्यक्रिया भएको छ ।
विराटनगर आँखा अस्पतालको सहयोगमा सञ्चालन भइरहेको शिविरमा नगरपालिकाका मात्रै नभई साल्पासिसलिछो गाउँपालिकाबाट पनि बिरामीहरू उपचारका लागि आएको नेपाल नेत्रज्योति संघ भोजपुरका सदस्य सुरेश तामाङले बताए । संघको आयोजना तथा षडानन्द नगरपालिकाको सहयोगमा शिविर सञ्चालन गरिएको हो ।
शिविरमा दुई सयभन्दा बढीले परीक्षण गराइसकेका छन् । दुर्गम क्षेत्रमा पनि सेवा दिनका लागि शिविरको आयोजना गरिएको सदस्य तामाङले जानकारी दिए ।
प्रकाशित मिति: बुधबार, फागुन २९, २०७५ २०:५१
