काठमाडौं । स्वान्सी सिटीमाथि नाटकीय जित निकाल्दै म्यान्चेस्टर सिटी एफए कप फुटबलको सेमिफाइनलमा प्रवेश गरेको छ ।
शनिबारराति भएको खेलमा सिटीले स्वान्सीमाथि ३–२ को जित निकालेको हो ।
सुरुवाती समयमै दुई गोलले पछि परेको म्यान्चेस्टर सिटीले उत्कृष्ट पुनगरागमन गर्दै ३–२ को जित निकाल्न सफल भएको हो ।
सिटीका लागि बर्नान्डो सिल्भा र सर्जियो अग्वेरोले एक गोल गरे भने स्वान्सीले एक गोल आत्मघाती गरेको थियो । स्वान्सी सिटीका लागि भने मट ग्रिमेस र बेरसान्ट सेलिनाले गोल गरेका थिए ।
त्यस्तै, एफए कपकै अर्को खेलमा म्यानचेस्टर युनाइटेडलाई पराजित गर्दै उल्भरह्याम्प्टन पनि सेमिफाइनलमा पुगेको छ । उल्भरको जितमा जेमिनेज र जोटाले एक एक गोल गरे भने युनाइटेडका लागि मार्कस र्यास्फर्डले एक गोल फर्काएका थिए ।
यसैगरी वाटफोर्ड पनि क्रिष्टल प्यालेसलाई २–१ गोलअन्तरले पराजित गर्दै एफए कपको सेमिफाइनलमा प्रवेश गरेको छ ।
प्रकाशित मिति: आइतबार, चैत ३, २०७५
