काठमाडौं ः युरोपको दोस्रो ठूलो क्लब फुटबल प्रतियोगिता युरोपा लिगको अन्तिम १६ को खेलमा इंग्लिस क्लब चेल्सीले महत्त्वपूर्ण जित निकालेको छ ।
युरोपा लिगको प्रिक्वारटफाइनलको पहिलो लेगमा चेल्सीले डाइनामो किभमाथि ३–० को जित निकालेको हो । चेल्सीको जितमा पेड्रो, विलियन र हसन ओडोइले १-१ गोल गरे ।
खेलमा राम्रो नियन्त्रण कायम गरेको चेल्सीले पहिलो हाफमा १ र दोस्रो हाफमा २ गोल गरेको थियो । यो जितसँगै चेल्सीको अघिल्लो चरणमा पुग्न सम्भावना बलियो बनेको छ ।
युरोपा लिगको अर्को खेलमा आर्सनल भने पराजित भएको छ । आर्सनल रिनेससँग ३–१ गोलअन्तरले पराजित भएपछि अघिल्लो चरण प्रवेशको सम्भावना कमजोर बनेको छ ।
प्रकाशित मिति: शुक्रबार, फागुन २४, २०७५
