काठमाडौं । इंग्लिस क्लब टोटनह्याम ८ वर्षपछि च्याम्पियन्स लिगको क्वाटरफाइनलमा प्रवेश गरेको छ । उसको जितमा ह्यारी केनले निर्णायक गोल गरे ।
प्रिक्वाटरफाइनलअन्तर्गत मंगलबाराति भएको खेलमा जर्मन क्लब बोरुसिया डर्टमुन्डमाथि १–० को जित निकालेको टोटनह्याम समग्रमा ४–० को जितसहित अन्तिम आठमा पुग्यो । पहिलो लेगको खेलमा टोटनह्याम ३–० ले विजयी भएको थियो ।
टोटनह्याम २०११ पछि पहिलो पटक च्याम्पियन्स लिगको क्वाटरफाइनलमा प्रवेश गरेको हो ।
यता डिफेन्डिङ च्याम्पियन रियल मड्रिड भने प्रतियोगिताबाट बाहिरिएको छ । रियललाई पराजित गर्दै नेदरल्यान्डको अयाक्स क्वाटरफाइनलमा प्रवेश गरेको हो ।
मंगलबार राति आफ्नै घरेलु मैदानमा प्रिक्वाटरफाइनलको दोस्रो लेगमा स्पेनिस क्लब रियल मड्रिड आयाक्ससँग ४–१ ले पराजित हुँदै प्रतियोगिताबाट बाहिरियो । पहिलो लिगमा २–१ को जित निकालेपछि सम्रमा रियल ५–३ ले पछि प¥यो ।
प्रकाशित मिति: बुधबार, फागुन २२, २०७५
