ब्राजिलियन फुटबल स्टार नेयमारले पीएसजीका सहकर्मी केलियन एमबाप्पे फुटबल इतिहास कै उत्कृष्ट खेलाडी बन्ने बताएका छन् ।
पछिल्लो समय क्लब र राष्ट्रको लागि उत्कृष्ट खेलिरहेका एमबाप्पेको प्रशंसा गर्दै नेयमारले इतिहासकै उत्कृष्ट खेलाडी बन्ने दाबी गरेका हुन् ।
नेयमारले भने- मसँग उसको सम्बन्ध मैदान भित्र र बाहिर निकै राम्रो छ । म उसलाई गोल्डेन ब्याई भनेर सम्बोधन गर्ने गर्छु । उ एक यस्तो साथी हो जसको लागि म विशेष स्नेह राख्छु । जो फुटबलको इतिहासमा सबैभन्दा उत्कृष्ट खेलाडी मध्ये एक हुनेछ । र, म उसलाई सक्दो मद्दत गर्ने प्रयास गर्दछु ।
मोनाकोबाट पीएसजी आएपछि एमबाप्पेले उकृष्ट प्रदर्शन गरिरहेका छन् । फ्रान्सका २० वर्षे एमबाप्पेले यस सिजन पीएसजीबाट ५० गोल गरिसकेका छन् । एमबाप्पेले फ्रान्सबाट विश्वकप र पीएसजीबाट दुई पटक लिग वान उपाधि उचालिसकेका छन् ।
प्रकाशित मिति: सोमबार, फागुन २०, २०७५
