काठमाडौं :अन्तर्राष्ट्रिय क्रिकेट परिषद ९आईसीसी०ले सार्वजनिक गरेको टी-२० नयाँ वरियतामा अलराउण्डतर्फ नेपाली राष्ट्रिय टोलीक कप्तान पारस खड्का ३८औं स्थानमा परेका छन् । उनी भारतका रोहित शर्मा भन्दा अघि छन् ।
कप्तान खड्का रोहित भन्दा दुई स्थान अघि छन् । गत महिना ४० औं स्थानमा रहेका पारस दुई स्थान सुधार गर्दै ३८ औं स्थानमा उक्लिँदा भारतका रोहित भने ४० औं स्थानमा परेका छन् ।
७६ अंक पाएका कप्तान पारसको यो करियरकै ठुलो वरियता हो । बिहिबार सार्वजनिक तालिकाअनुसार उनी सँगै नेपालका सोमपाल कामी र बसन्त रेग्मीले पनि स्थान बनाएका छन् ।
यस्तै अलराउण्डरतर्फ ६० अंक पाएका सोमपाल ५० औं स्थानमा रहेका छन् । यसअघि सोमपाल ५१ औं स्थानमा थिए । त्यस्तै बलिङमा सोमपाल ७० र बसन्त ७१ औं स्थानमा छन् । समान ४०९ अंक पाएका दुवै खेलाडी यथावत रहन सफल भए ।
प्रकाशित मिति: शुक्रबार, फागुन १७, २०७५
