चितवन : भरतपुर महानगरपालिका–४ लङ्कुको धर्मचोकमा आगलागी भएको छ । जिल्ला प्रहरी कार्यालय चितवनले दिएको जानकारीअनुसार गए राती १:३० बजे धर्मचोकमा रहेको कवाडी संकलन केन्द्रमा आगलागी भएको हो ।
प्रदीप गुप्ताद्वारा सञ्चालित सो केन्द्रमा लागेको आगो ५ घण्टापछि नियन्त्रणमा लिइएको थियो । दमकल, स्थानीयवासी, प्रहरी, नेपाली सेनाको टोलीले आगो नियन्त्रणमा लिएको हो । आगलागीको कारण भने खुल्न नसकेको प्रहरीले जनाएको छ । केन्द्रमा रहेका कवाडीका सामान जलेर नष्ट भएको छ भने क्षतिको विवरण आउन बाँकी छ।
प्रकाशित मिति: शुक्रबार, फागुन १७, २०७५
