धादिङ ः धादिङ जिल्ला गल्छी गाउँपालिका वडा नं. ५ सागिनेमा गाडीले किचेर आइतबार राति दुई महिलाको मृत्यु भएको छ । आँगनमा गफ गरेर बसिरहेका बेला पार्किङका लागि आएको गाडीले किचेर दुई महिलाको मृत्यु भएको छ भने एक जना घाइते भएकी छन् ।
जिल्ला प्रहरी कार्यालयका प्रहरी नायब उपरीक्षक प्रकाश विष्टका अनुसार बा२०च ६२२१ नं. को बोलेरो जिप सडक छेउमा राख्न लाग्दा गफ गरेर बसिरहेका गल्छी गाउँपालिका वडा नं. ४ की ३५ वर्षीया जमुना भुजेल र सोही गाउँपालिका वडा नं. ५ की ४६ वर्षीया कान्छी तामाङको मृत्यु भएको हो । भुजेलको घटनास्थलमै र तामाङको उपचारका क्रममा मृत्यु भएको हो । घाइते गल्छी गाउँपालिका-५ की ३६ वर्षीया धनकुमारी तामाङको पाटन अस्पतालमा उपचार भइरहेको छ । जिप चालक फरार रहेकाले खोजी भइरहेको प्रहरीले जनाएको छ ।
प्रकाशित मिति: सोमबार, फागुन १३, २०७५
