काठमाडौं : अज्ञात समूहले आज बिहान सिरहाको लहानमा विभिन्न राष्ट्रिय पत्रिका जलाएका छन् । लहानस्थित सीता नोवेल न्युज सेन्टर अगाडि बिक्रीका लागि राखिएका कान्तिपुर दैनिक, द काठमाडौं पोस्ट, साप्ताहिक, हेल्लो शुक्रबारलगायतका करिब ४०० प्रति पत्रिका जलाएर खरानी बनाएको हो ।
पसल खोल्न बिहान पुग्दा पत्रिका जलिरहेको थियो , पसल सञ्चालक दिनेश देवले भने, कसले र किन पत्रिका जलायो यसबारेमा केही थाहा भएन ।
यता, इलाका प्रहरी कार्यालय लहानका प्रहरी नायब उपरीक्षक राजेश थापाले घटनाबारे अनुसन्धान भइरहेको बताए । केही दिनअघि सीता नोवेल पसलका लागि आएका कान्तिपुर, काठमाडौं पोस्टलगायतका पत्रिका चोरीसमेत भएको थियो ।
