काठमाडौं । महिला टी–२० स्मास क्रिकेटमा नेपालले लगातार दोस्रो जित निकालेको छ ।
आइतबारको आफ्नो दोस्रो खेलमा नेपालले मलेसियामाथि ६ विकेटको जित हात पारेको हो । मलेसियाले दिएको ६२ रनको लक्ष्य नेपालले १६.२ ओभरमा ४ विकेट गुमाएर पुरा गर्यो ।
नेपालको जितमा रोमा थापाले २० र सीता राना मगरले १६ रन बनाउँदा ममता चौधरी ९ रनमा अविजित रहिन् ।
यसअघि टस जितेर पहिले ब्याटिङ गरेको मलेसियाले १९.३ ओभरमा सबै विकेट गुमाएर ६१ रन बनाएको थियो । नेपालका लागि सरिता मगरले ४ विकेट लिएकी थिइन् ।
यसअघि शनिबार भएको उद्घाटन खेलमा नेपालले चीनमाथि १० विकेटको जित निकालेको थियो ।
प्रकाशित मिति: शनिबार, पुस २८, २०७५
