काठमाडौं । पोर्चुगल तथा युभेन्टसका स्ट्राइकर क्रिष्टियानो रोनाल्डोमाथि लागेको बलात्कारको मुद्दा झनै चर्किने देखिएका छ ।
रोनाल्डोको डीएनए नमूनाका लागि लस भेगास प्रहरीले वारेन्ट जारी गरेको छ ।
एक अमेरिकी महिलाले लगाएको बलात्कार आरोपबारे छानबिन गरिरहेको प्रहरीले थप अनुसन्धानको लागि रोनाल्डोको डीएनएको नमूना माग गरेको हो ।
३३ वर्षका रोनाल्डोका वकिल पिटर एस क्रिष्टएनसनले प्रहरीले गरेको माग अति उत्कृष्ट रहेको बताएका छन् ।
अमेरिकी एक पूर्वमोडल क्याथरिन मायोर्गाले सन् २००९ मा आफूमाथि बलात्कार भएको भन्दै रोनाल्डोविरुद्ध उजुरी लिएपछि त्यसमाथि छानविन भइरहेको छ । रोनाल्डोले भने यी आरोप खण्डन गर्दै आएका छन् ।
प्रकाशित मिति: बिहीबार, पुस २६, २०७५
