काठमाडौं । अष्ट्रेलियाको बिग बास क्रिकेट लिगमा नेपाली युवा खेलाडी सन्दिप लामिछाने आबद्ध टिम मेलबर्न स्टार्सको चौथो खेल आज हुँदैछ ।
यसअघि खेलेका तीनमध्ये एक खेलमा मात्रै जित निकालेको मेलबर्न स्टार्सले आज आफ्नै राज्यको प्रतिद्धन्दी मेलबर्न रेनेगेड्ससँग प्रतिस्पर्धा गर्नेछ ।
यो खेल नेपाली समयअनुसार दिउँसो २ बजे मेलवर्नमा सुरु हुनेछ । प्रतियोगितामा नेपालका लेग स्पिनर सन्दिपले उत्कृष्ट प्रदर्शन गर्दै तीन खेलमा ७ विकेट दिएर सर्वाधिक विकेट लिने खेलाडीको सूचीको चौथो नम्बरमा छन् ।
सिड्नी सिक्सर्सका स्टिभ ओकिफ ९ विकेटसहित शीर्ष स्थानमा छन् । आजको खेलमा जित हात पार्न सके सन्दिपको टोली मेलबर्न स्टार्सको सुपर फोरमा पुग्ने सम्भावना बलियो बन्नेछ ।
मेलबर्न स्टार्स २ अंक सहित छैटौं स्थानमा छ भने मेलबर्न रेनेगेड्स भने ४ अंक सहित दोस्रो स्थानमा छ ।
प्रकाशित मिति: सोमबार, पुस १६, २०७५
