काठमाडौं । इंग्लिस प्रिमियर लिग फुटबलमा शीर्ष स्थानको लिभरपुलले आर्सनललाई ५–१ ले हराएको छ ।
आफ्नै मैदानमा भएको खेलमा लिभरपुललाई फराकिलो जित दिलाउन रोबर्टाे फिर्मिनोले ह्याट्रिक गरे भने मोहमद सालाह र सादियो मानेले एक–एक गोल गरे ।
जितसँगै लिरभपुलले अंक तालिकाको दोस्रो स्थानको टोटनह्याम हट्सपरसँग ९ अंकको अग्रता बनाएको छ ।
गएराति भएको खेलमा टोटनह्यामलाई वुल्भरह्याम्पटन वन्डरर्सले ३–१ ले हरायो । यसैगरी लेष्टर सिटीलाई कार्डिफ सिटीले १–० ले हरायो ।
ब्राईटनले एभर्टनमाथि तथा फुल्हमले हडर्सफिल्ड टाउनमाथि १–० समान १–० को जित निकाल्दा वाट्फोर्ड र न्युकासल युनाईटेडले १–१ गोलको बराबरी खेले ।
प्रकाशित मिति: शनिबार, पुस १४, २०७५
