काठमाडौं । इंग्लिस प्रिमियर लिगमा टोटनह्यामले प्रभावशाली जित निकालेको छ । आइतबारराति टोटनह्यामले एभर्टनमाथि ६–२ को जित निकालेको हो ।
टोटनह्यामका लागि ह्युङ मिन सन र ह्यारी केनले दुई–दुई तथा डेल अली र क्रिष्टियन एरिक्सनले एक–एक गोल गरेका हुन् ।
एभर्टनले खेलको २१ औं मिनेटमा नै थियो वाल्कोटको गोलमार्फत अग्रता बनाएको थियो । २७ औं मिनेटमा ह्युङ मिन सनले बराबरी गोल फर्काए ।
तर, त्यसको ८ मिनेटपछि नै डेले अलीले गोल गर्दै टोटनह्यामलाई २–१ को को अवस्थामा पु¥याए । ४२ औं मिनेटमा केनले एक गोल थपे, र टोटनहृयाम पहिलो हाटफमा नै ३–१ को स्थितिमा आयो ।
दोस्रो हाफको ४८ औं मिनेटमा एरिक्सनले, ५१ औं मिनेटमा एभर्टनका लागि सिगुडर्सनले जवाफी गोल फर्काए ।
त्यसपछि ६१ औं मिनेटमा सनले र ७४ औं मिनेटमा केनले गोल गर्दै खेललाई ६–२ को अवस्थामा पु¥याए । त्यसपछि दुवैपक्षबाट गोल हुन सकेन र टोटनह्याम विजयी भयो ।
यो जितसँगै टोटनह्यामले दोस्रो स्थानको म्यानचेस्टर सिटीसँगको अंकदुरी दुई अंकमा झारेको छ । टोटनहृयामले १८ खेलबाट ४२ अंक भएको छ भने सिटीको ४४ अंक र शीर्ष स्थानमा रहेको लिभरपुलको ४८ अंक छ ।
प्रकाशित मिति: आइतबार, पुस ८, २०७५
