मेलवर्न । अष्ट्रेलियाको ९ ए साईड कँडेल कन्सल्टेन्सी कप राष्ट्रिय फुटबल प्रतियोगिताको उपाधि आयोजक यति क्लबले कब्जा गरेको छ । आइतबार भएको फाइनल खेलामा सिड्नीको ग्रिन भिल्ली राइनोलाई हराउँदै यतिले उपाधि उचालेको हो । समग्रमा राम्रो प्रदर्शन गरे पनि राइनो उपाधि उचाल्नबाट चुकेको छ । उपाधिसँगै यतिले दुई हजार अष्ट्रोलियन डलर नगद पुरस्कार प्राप्त गरेको छ । दुई दिनसम्म चलेको प्रतियोगिता हजार भन्दा बढी नेपाली दर्शकले हेरेका थिए ।
अष्ट्रेलियाको प्रतिष्ठित यति फुटबल क्लबले हरेक वर्ष आयोजना गर्ने ९ ए साईड कँडेल कन्सल्टेन्सी कप फुटबल प्रतियोगितामा १६ टिमले सहभागिता जनाएका थिए । प्रतियोगितामा मेलबर्न ५, सिड्नी ५, डार्विन, पर्थ, एडिलेड, अल्बरी, तास्मानिया क्यानबेरा लगायतका टिम उपाधिको प्रतिस्पर्धामा रहेका थिए । शनिबार लिग चरणको खेल खेलाएर आइतबार फाइनल खेल खेलाइएको प्रतियोगिताको प्रयोजक कँडेल कन्सल्टेन्सीका निर्देशक राज कँडेलले जानकारी दिनुभयो । उहाँले सात वर्षदेखि सञ्चालन भइरहेको प्रतियोगितामा अष्ट्रेलियाभरका उत्कृष्ट खेलाडीहरु सहभागी भएको बताउनुभयो ।
प्रतियोगिताभर सहभागी खेलाडी, प्रशिक्षक लगायतको खाने बस्ने व्यवस्था समेत प्रायोजक कँडेल कन्सल्टेन्सी र आयोजक यति फुटबल क्लबले गरेको थियो । मेलवर्नमा रहेको एक प्रतिष्ठित कम्पनी कँडेल कन्सल्टेन्सीले नेपालीहरु माझ हुने सबै प्रकारका सामाजिक तथा सांस्कृति कार्यहरुमा सहयोग गर्दै आएको छ । अष्ट्रेलिया अध्ययन तथा बसोबासको क्षेत्रमा ख्यातीप्राप्त कँडेल कन्सल्टेन्सीले छिट्टै नेपालका प्रमुख सहरहरु काठमाडौँ, पोखरा र चितवनमा आफ्नो शाखा विस्तार गरी नेपाली विद्यार्थीहरुलाई सेवा दिने योजना समेत बनाएको छ ।
अष्ट्रेलियाका प्रतिष्ठित शैक्षिक संस्थाहरुसँग अनुबन्ध रहेको कम्पनी यहाँका नेपालीहरुको माझामा चिरपरिचित छ । कन्सल्टेन्सीका निर्देशक राज कँडेल यहाँका नेपालीहरुको बीचमा हुने सबै खालका गतिविधिमा अग्रणि भूमिका निर्वाह गर्दै आउनु भएको छ ।
एमआइटीले प्रायोजन गर्दै आइरहेको यस प्रतिष्ठित फुटबल प्रतियोगिता आफ्नो कम्पनीले प्रायोजन गर्न पाउँदै ज्यादै खुसी लागेको निर्देशक कँडेलले बताउनभयो । उहाँले यस्ता प्रतियोगिताले नेपालीहरुको बीचमा भाइचाराको विकास गराउने समेत बताउनुभयो । निर्देशक कँडेलले आगामी वर्ष प्रतियोगितालाई अझै भव्य र सभ्य बनाउन आजैदेखि प्रयत्न गरिने बताउनुभयो ।
प्रकाशित मिति: शनिबार, फागुन २८, २०७३
-1733641946.jpg)
-1732776560.jpg)
