काठमाडौं । इन्डोनेसियाको शीर्ष श्रेणीको फुटबल लिग ‘गो जेक लिग वान–२०१८’ को उत्कृष्ट खेलाडीको अवार्डका लागि नेपाली फुटबलर रोहित चन्द छानिएका छन् ।
लिग वान को टेक्निकल स्टडी ग्रुपले रोहितलाई उक्त अवार्डका लागि मनोनित गरेको हो । अवार्डका लागि रोहितसँगै पर्सिजा जाकार्ताबाट खेल्ने अन्य दुइजर्ना खेलाडी पनि मनोनित भएका छन् ।
रोहितले यस सिजन पर्सिजाको लागि ३० खेल खेल्दा ३ गोल गर्नुका साथै दुई असिस्ट गरेका थिए ।
लिगमा सबै टिमले एक/एक खेल खेल्न बाँकी रहँदा रोहितको टिम ५९ अंकसहित अंकतालिकाको शीर्ष स्थानमा छ ।
प्रकाशित मिति: बुधबार, मंसिर १९, २०७५
