काठमाडौँ । गैर आवासीय नेपाली संघ एशिया प्यासिफिक क्षेत्रीय सम्मेलन मलेसियामा आयोजना हुने भएको छ । क्वालालाम्पुरस्थित होटेल ग्राण्डमा हुने कार्यक्रममा गैर आवासीय नेपाली संघ एशिया प्यासिफिक क्षेत्रका मातहतका सबै राष्ट्रहरुले प्रतिबेदन प्रस्तुत गर्ने भएका छन । ‘सम्बृद्ध राष्ट्र निर्माणका लागि दक्ष जनशक्ति’ भन्ने मुल नारासहित मार्च १८ र १९ मा सम्मेलन हुँर्दैछ । आयोजक राष्ट्र मलेसियाले केही अघि बैदेशिक रोजगारीका क्रममा दुस्ख पाएकाहरुको हितका लागि कल्याणकारी कोषको शुभारम्भ गरिसकेको छ । सम्मेलनकै अवसरमा मलेसियामा एक दिने एसिया प्यासिफिक फुटसल २०१७ प्रतियोगिताको आयोजना पनि गरिने भएको छ । जसमा विजेता टीमले दशलाख तथा दोश्रो हुनेले तीन लाख जापानिज एन पाउने गैर आवासीय नेपाली संघ एशिया प्यासिफिक क्षेत्रीय सम्मेलनका संयोजक किरणविक्रम थापाले जानकारी दिएका छन् । फुटसल प्रतियोगिताको संयोजकमा एनआरएनए जापानका अन्तराष्ट्रिय युवा प्रतिनिधि लेलिन भट्टचन रहेका छन ।
प्रकाशित मिति: मंगलबार, फागुन १०, २०७३
-1733641946.jpg)
-1732776560.jpg)
-1732776560.jpg)
