काठमाडौं । देशकै राजधानी रहेको काठमाडौ महानगरपालिकाका प्रमुख बालेन्द्र साह दिनहु जसो सामाजिक सञ्जाल मार्फत आक्रोश र स्टण्टबाजी गरिरहेका छन् । सरकारले नियमानुसार सरुवा गरेका कर्मचारीलाई अनेक लान्छाना लगाउदै काम गर्ने वातवरण नदिने मात्रै होइन आफ्ना नाजायज कुरा नमानेपछि भ्रष्टाचारी भएको फर्मान जारी गर्ने उनै बालेल फेरि संघिय सरकारले कर्मचारी पठाइनदिएको भन्दै अर्को स्टण्टबाजी गरिरहेका छन् । प्रमुख प्रशासकिय अधिकृतलाई आफनो अनुकुल र लहडबाजीमा काम गर्न नमानेको भन्दै महानगरपालिका भित्र प्रवेश निषेध गरेका उनले भ्रष्टाचारी भएको आरोप लगाउदै छानविन समिति समेत बनाएका थिए । आफैले बनाएको छानविन समितिले प्रमुख प्रशासकिय अधिकृतलाई भ्रष्टाचारी मान्न सकिने कुनै आधार फेला नपरेको प्रतिवेदन दिएपछि फेरि अर्को स्टण्टबाजी गर्दै जनतालाई अर्कोतर्फ मोडिरहेका छन् । न उनले त्यो प्रतिवेदन बुझेका छन न आफुले लगाएको आरोप फिर्ता लिएका छन् ।
उच्च तहका कर्मचारीलाई उनको लहडमा नचलेकोमा अनेक लान्छाना लगाएका बालेनले यो बुझिरहेका छैनन कि प्रमाणित हुन नसक्ने आरोप लगाउनु अघि आफ्ना पदिय दायित्व र मर्यादा के हो भन्ने कुरा । सामाजिक सञ्जालमा आफुमाथी बर्सिएको जनताको विश्वासलाई उनले जनतालाई आफ्नो पेवाको रुपमा बुझ्दै नव तानाशाहका रुपमा आफुलाई उभ्याइरहेका मात्रै छैनन राज्यका कुनैपनि निकायलाई टेरपुच्छर लगाइरहेका छैनन् । बेलगाम वादशाहको बाटोमा अघि बढिरहेका बालेन आफु राज्यको कानुनले परिभाषित गरेको पदमा आसिन छु भन्ने सम्म हेक्का राखिरहेका छैनन । त्यहि भएरै होला मध्यरातमा उनी कहिल्य सिंहदरबार जलाउने कुरा गरिरहेका छन त कहिल्य प्रधानमन्त्री केपी शर्मा ओलीलाई नानाभाती टिप्पणी गर्दै पहाडमा कुहिनो ठोकिरहेका छन । आफ्नो दायित्व र जिम्मेवारी काम गर्न असफल सिद्ध भइसकेका मेयर बालेनको अश्लीयत काठमडौ महानगरपालिकाले यो बर्ष पुँजीगत खर्च गर्न नसकेको तथ्यांकबाट प्रष्टै छ ।
तथ्यहरुले उनी काम गर्न सक्ने मान्छे नभई फगत लहडमा निर्णय लिने र आफुप्रति जनताले जनाएको भरोशाको दुरुपयोग गरिहेका छन भन्ने पटक पटक प्रष्टयाइसकेको छ । त्यसको गतिलो उदाहरणका रुपमा काठमाडौं महानगरपालिकाले सार्वजनिक गरेका तथ्य तथ्याकंले प्रष्ट गरेकै छन् । काठमाडौँ महानगरपालिका भित्र भएका भौतिक निर्माणका काम यसअघिका मेयरले गरेका हुन भन्ने कुरा दुनियाँका सबैले जानकारी पाएकै छन । उनले फगत गरिव व्यापारीको बिल्लिबाठ गर्ने मात्रै होइन सुकुम्वासी बस्तीमा बिना कुनै उपयुक्त विकल्प डोजर चलाउने फलफुल तरकारीको व्यापार गरि पेट पालिरहेका गरिवको पेटमा लात हान्ने मात्रै उपलब्धी ठाने ।
आफुलाई देशकै समानान्तर सत्ताको प्रमुख भएको जस्तै गरि जुनसुकै संस्था र व्यक्तिहरुको बारेमा आफुलाई जे मन लाग्यो त्यही टिप्पणी गर्दै सामाजिक सञ्जालमा लाइक कमेण्ट बटुलिरहेका बालेनका यी सबै कार्य फगत स्टण्टबाजी बाहेक केही होइनन भन्ने कुरा नेपाली जनतालाई अझ काठमडौँबासीलाई केही हद सम्म जानकारी भएकै बिषय हो । कुवा भित्रको भ्यागुताले सारा ससार त्यही कुवा भएको महसुस गरेझै उनको जुन सैली र लहड छ त्यसको पर्दा बिस्तारै खुल्दैछ । त्यो पूर्ण पर्दा खुलेर उनको अस्लीयत सारा नेपालीलाई थाहा हुनु अघिनै उनले काठमाडौँबासीको विश्वासमा ताण्डप नगरुन । राज्यको संविधान कानुन बमोजिम आफ्नो दायित्व र जिम्मेवारीलाई बुझुन र राज्यका बाकी निकायसंग कानुनले परिभाषित गरे बमोजिम समन्वय गरुन त्यसो नगरी यस्तै स्टण्टबाजी गर्दै जाने हो भने आज उनलाई समर्थनको नारा लगाइरहेकाहरुले नै बिरोधको स्वर उराल्न बाध्य हुनेछन् । समय बलवान छ आजको जनतालाई केही दिन अबस्य भ्रममा राख्न सकिएला लामो समय होइन । मेरो आग्रह छ उनकै समर्थकले अब उनीमाथी लगाम लगाउनुपर्ने समय आइसक्यो ।
(लेखक एमाले बाग्मति प्रदेश कमिटिका सदस्य हुन्)
प्रकाशित मिति: मंगलबार, फागुन २०, २०८१
-1732776560.jpg)
