काठमाडौँ । त्रिभुवन अन्तर्राष्ट्रिय विमानस्थलबाट तस्करीको सुनसहित दुई भारतीय नागरिक पक्राउ परेका छन् ।
पक्राउ पर्नेमा भारतीय नागरिकद्वय सुरेश कुमार र मोहन कुमार गणेशन रहेको विमानस्थल सुरक्षा प्रमुख एसएसपी कृष्णहरि शर्मा पोखरेलले जानकारी दिए । सुरेशले सेतो रङको टि-सर्ट, निलो रङको पेन्टी र कालो रङ्गको जिन्स पाइन्टमा २ किलो ६०० ग्राम सुन लेपन गरेर र मोहन कुमारले कालो रङको टि-सर्ट, निलो रङको पेन्टी र निलो रङ्गको जिन्स पाइन्टमा २ किलो ५०० ग्राम सुन लेपन गरेर ल्याएको अवस्थामा प्रहरीले पक्राउ गरेको हो ।
आइतबार साँझ पौने ७ बजे फ्लाई दुबईबाट आएका उनीहरू सुनसहित पक्राउ गरेका हुन् । बरामद सुन र पक्राउ परेका व्यक्तिलाई थप अनुसन्धानका लागि भन्सार कार्यालयमा बुझाउने तयारी छ ।
प्रकाशित मिति: सोमबार, वैशाख ३१, २०८१
-1733641946.jpg)
-1732776560.jpg)
