काठमाडौँ । सदनको गतिरोध खुलाउने लगायतको विषयमा सभामुख-प्रमुख सचेतक र सचेतकबीचको छलफल विना निष्कर्ष टुंगिएको छ ।
सभामुख देवराज घिमिरेले मंगलबार संयुक्त सदनमा पेश हुने सरकारको नीति तथा कार्यक्रम साथै सदनको अवरोध हटाउनेलगायतका विषयमा कानूनमन्त्री र प्रमुख दलका सचेतकहरूसँग छलफल गरेका थिए ।
बैठकबाट बाहिरिँदै नेपाली काँग्रेसका मुख्य सचेतक रमेश लेखकले गृहमन्त्री रवि लामिछानेमाथि संसदीय छानबिन हुनुपर्ने आफूहरूको अडान सभामुखसमक्ष दोहोर्याएको बताए । उनले सदन सुचारु गर्ने विषय सरकारको भूमिकामा भर पर्ने जिकिर गरे ।
‘सरकारले कसरी डिल गर्छ त्यसमा भर पर्छ । हामीले संसदीय समिति छानबिनको अडान सभामुखसमक्ष पनि दोहोर्याएका छौँ । प्रधानमन्त्रीले कुन मार्गबाट निकास दिनुहुन्छ । त्यो उहाँको काम हो’, उनले भने ।
सत्तारुढ घटक नेकपा एमालेका प्रमुख सचेतक महेश बर्तौलाले प्रमुख प्रतिपक्षले उठाएको संसदीय छानबिन समितिको विषय कानून सम्वत् नभएको जिकिर गरे । ‘नेपाली काँग्रेसले समितिको नाममा सरकार माग गरेको हो । त्यो सम्भव छैन । नेपाली काँग्रेसले आत्महत्या नै गर्छु भने पनि छानबिन समिति बन्दैन ।’
सहकारी ठगीमा संलग्नलाई कारबाही र बचतकर्ताको जोखिममा परेको रकम फिर्ताका लागि सरकारलाई सहयोग गर्न एमाले तयार रहेको उनको भनाइ छ ।
प्रकाशित मिति: आइतबार, वैशाख ३०, २०८१
-1733641946.jpg)
-1732776560.jpg)
-1732776560.jpg)
