काठमाडौँ । नेपाल वायुसेवा निगमको वाइडबडी दुई जहाज खरिद गर्दा भ्रष्टाचार गरेको अभियोगमा अख्तियार दुरुपयोग अनुसन्धान आयोगले विशेष अदालतमा मुद्दा दायर गर्दै छ ।
विशेष अदालतका सूचना अधिकारी यज्ञराज रेग्मीका अनुसार वाइडबडी खरिदमा भ्रष्टाचार भएको भन्दै मुद्दा दायरका लागि अहिले रुजु गर्ने काम भइरहेको छ । केहीबेर अघि अभियोग पत्र विशेष अदालतमा आइपुगेको र रुजु गरेर सकिएपछि मुद्दा दायर हुने उनले बताए ।
जहाज खरिद प्रक्रियामा सामेल तत्कालीन पदाधिकारी सहितलाई अख्तियारले प्रतिवादी बनाएको छ ।
प्रकाशित मिति: बिहीबार, चैत २२, २०८०
