काठमाडौँ । धनगढीमा एक प्रहरी जवान मृत भेटिएका छन् । दार्चुलाको शैल्यशिखर–९ स्थायी घर भएका प्रहरी जवान सुरुज विक मृत फेला परेका हुन् ।
बुधबार साँझ धनगढी उपमहानगरपालिका–७ मा रहेको मनेहरा सामुदायिक वनमा उनी जामुनको रुखमा झुण्डिएको अवस्था मृत फेला परेको जिल्ला प्रहरी कार्यालय कैलालीका प्रहरी निरीक्षक लोकेन्द्रसिंह कार्कीले जानकारी दिए । उनी जिल्ला प्रहरी कार्यालय बझाङमा कार्यरत थिए ।
उनको परिवार धनगढीमा बस्दै आएको थियो । कामबाट बिदा मागेर उनी धनगढी आएको बताइएको छ । घटनाबारे अनुसन्धान भइरहेको प्रहरीले जनाएको छ ।
प्रकाशित मिति: बिहीबार, चैत २२, २०८०
-1733641946.jpg)
-1732776560.jpg)
