नेकपा माओवादी केन्द्रका उपाध्यक्ष कृष्णबहादुर महरा पक्राउ परेका छन् । महरालाई कपिलवस्तुबाट पक्राउ गरिएको हो। पक्राउ परे संगै उनलाई काठमाडौँ ल्याइएको छ।
उनी सवार यती एयरलाइन्सको विमान काठमाडौंमा अवतरण भएको छ । उनलाई केन्द्रिय अनुसन्धान ब्यूरोमा लगिँदै छ । ब्यूरोका प्रहरी बरिष्ठ उपरिक्षक दिनेश आचार्यले महरालाई विमानस्थलबाट गाडीमा लाजिम्पाट स्थित सिआईबीको कार्यालयमा लाँदै छन् । भेप प्रकरणमा थप अनुसन्धानका लागी उनलाई म्याद थप गर्न अदालतमा उपस्थित गराउने प्रहरीको तयारी छ ।
यसअघि महरासँग आयोगले बयान समेत लिएको थियो । उनका छोरा राहुल महरा विद्युतीय चुरोट (भेप) मार्फत भएको सुन तस्करी प्रकरणमा पुर्पक्षका लागि थुनामा छन् ।
प्रकाशित मिति: सोमबार, चैत ५, २०८०
