काठमाडौँ । नेकपा एमाले सुदूरपश्चिम प्रदेश कमिटीको प्रथम अधिवेशन आजबाट सुरु हुँदैछ।
उद्घाटनका लागि अध्यक्ष केपी शर्मा ओली आज धनगढी जाँदै छन्। ओली बिहान पौने ९ बजे धनगढी जाने सचिवालयले जनाएको छ। एमालेका सात भौगोलिक र एक गैह्र भौगोलिक प्रदेश कमिटी मध्ये छ वटाको अधिवेशन भइसकेको छ।
जसमा सबभन्दा पहिला लुम्बिनी प्रदेशको अधिवेशन भदौको १६ र १७ गते भएको थियो। त्यसपछि भौगोलिकतर्फ बागमती, कर्णाली,कोशी र गण्डकी प्रदेशका अधिवेशन सम्पन्न भइसकेका छन्।
गैह्र भौगौलिकतर्फ उपत्यका विशेष प्रदेश कमिटीको अधिवेशन पनि सम्पन्न भइसकेको छ। अब सुदूरपश्चिम र मधेस प्रदेशको अधिवेशन हुन बाँकी छ।
प्रकाशित मिति: आइतबार, असोज २१, २०८०
