काठमाडौँ । राष्ट्रिय स्वतन्त्र पार्टीका सभापति रवि लामिछानेले आयल निगममाथि प्रश्न उठाएका छन् । प्रतिनिधि सभाको बैठकमा बोल्दै उनले कर्मचारीलाई सधैँ बोनस बाँड्ने निगम कसरी घाटामा जान्छ भन्दै प्रश्न गरे ।
उनले भने, ‘आयल निगम आयात पनि आफैँ गर्छ । व्यापार पनि आफैँ गर्छ । नियामक निकाय पनि उही हो । सबै कुरा आफैँ गर्छ । कर्मचारीलाई बोनस बाँड्न भ्याउँछ । तर, सधैँ घाटामा छु भन्छ । घाटा के हो ? निर्क्योल गरियोस् । अन्तर्राष्ट्रिय बजारअनुसार मूल्यवृद्धि भएको हो भने घटेका बेलामा मूल्य घटाउन दुईतीन दिन किन लगाउँछ ?’
प्रकाशित मिति: आइतबार, असोज १४, २०८०
