काठमाडौँ । कोशीको पुलमा गाडी छाडिराखेर चिकित्सक बेपत्ता भएपछि प्रहरीले खोजी सुरु गरेको छ।
सुनसरीको चतराघाटस्थित कोशी पुलको उदयपुर खण्डमा गाडी छाडेर डा. प्रज्वल कोइराला सम्पर्कविहीन भएपछि प्रहरीले खोजी थालिएको जिल्ला प्रहरी कार्यालय उदयपुरका प्रमुख एवं एसपी ज्ञानेन्द्र फुँयालले बताए । डा. प्रज्वलन कोइरालाले आत्महत्या प्रयास गरेको हुन सक्ने प्रहरीको आकलन छ ।
एसपी फुयाँलले भने, ‘गाडी पुलमै छ, जुत्ता, मोजा, मोबाइल पुलमै भेटिएको छ, घटना हेर्दा आत्महत्याको प्रयास गरेको जस्तो देखिन्छ, मोबाइलका आधारमा अनुसन्धान गर्दै छौ ।’
मदन भण्डारी ट्रमा सेन्टर उर्लाबारीमा कार्यरत जनरल सर्जन कोइराला झापा दमक नगरपालिका १ का बासिन्दा हुन्। ३८ वर्षीय कोइराला बेपत्ता भएको प्रहरीले जानकारी दिएको छ। एसपी फँयालका अनुसार १-०२-००२ च ४१६६ नम्बरको कार छाडेर चिकित्सक बेपत्ता भएका हुन्।
बेपत्ता भएका चिकित्सकको कोशी नदी र आसपासका क्षेत्र खोजी भइरहेको प्रहरीको भनाइ छ। स्थानीयवासीले बेवारिसे कार देखेपछि आज बिहान ४ बजे प्रहरीलाई खबर गरेका थिए।
प्रकाशित मिति: सोमबार, भदौ ११, २०८०
-1732776560.jpg)
