कैलाली । गैरआवसीय नेपाली संघका पूर्व कोषाध्यक्ष हिक्मत थापाले कैलालीको अरुणोदय मावि खैरिफाँटामा ई–लाइब्रेरी बनाउने घोषणा गरेका छन् । बिद्यालयको स्वर्ण जयन्ती कार्यक्रम आरम्भ भएको अवसरमा व्यवसायी थापाले बिद्यालयमा ई–लाइब्रेरी बनाउने घोषणा गरेका हुन् । उनले बिद्यालयको स्वर्ण महोत्सव र आफ्नो पिताको जन्मउत्सवको अवसर पारेर बिद्यालयमा ई–लाइब्रेरी बनाउने घोषणा गरेका हुन । जानकी गाउँपालिका वाड नम्बर ९ कटासेका स्थानीय बासिन्दा थापाले बिद्यालयको पुस्तकालय बिस्तार र इ–लाइब्रेरीको परियोजना आगामी तीन महिना भित्र सम्पन्न गरिसक्ने लक्ष्य राखिएको जनाएका छन् ।
पुस्तकालय परियोजनाका लागि प्राविधिक सहयोग गरिरहेको नेपाल लाइब्रेरी फाउण्डेशन र सबै परोपकारी व्यक्ति तथा संस्थाहरुलाई धन्यवाद दिँदै बिद्यालयको तर्फबाट परियोजनाको संयोजन गरिरहेका प्रधानाध्यापक कपिलराज भाट लगायत शिक्षक, व्यवस्थापन समिति र अभिभावकहरुलई पनि थापाले आभार व्यक्त गरेका छन् । गैरआवसिय नेपाली संघका नेता थापाले यसअघि पनि निरन्तर सामाजिक तथा परोपकारी कामहरुमा सहयोग गर्दै आइरहेका छन् ।
प्रकाशित मिति: शनिबार, भदौ २, २०८०
-1732776560.jpg)
