काठमाडौँ । राष्ट्र बैंकका गभर्नर महाप्रसाद अधिकारीले नेपालको अर्थतन्त्रमा सूचना प्रविधि क्षेत्रको प्रयोग बढाउँदै लैजानु आवश्यक रहेको बताएका छन् ।
नेपालमा सूचना प्रविधि क्षेत्रको विकासका राष्ट्रिय आयाम विषयक सम्मेलनमा उनले, मौद्रिक नीतिले समेत सूचना प्रविधिमा आधारित व्यापारलाई प्रोत्साहन गरेको दाबी गरे ।
विशेषतः विदेशबाट रेमिट्यान्स प्राप्त गर्ने गरी क्रस बोर्डर भुक्तानीलाई व्यवस्थित गर्न लागिएको बताउँदै उनले बैंक तथा वित्तीय संस्थाले सूचना प्रविधिको क्षेत्रमा ठुलो लगानी गरेको बताए । उनले भने ‘मौद्रिक नीतिले पनि वैदेशिक मुद्रा भित्र्याउन सहजीकरण गर्ने गरी सूचना प्रविधि क्षेत्रको विकासलाई प्राथमिकतामा राखेको छ । ’
अनलाइन व्यापार र अनलाइन पेमेन्टलाई प्रोत्साहन गरिँदा नेपालको सूचना प्रविधि क्षेत्रको विकासमा योगदान पुग्ने उनको विश्वास छ ।
सिलिकन भ्याली र भारतको बैंलोरलाई हेरेर पनि विश्वमा डिजिटल क्षेत्रको महत्त्व र योगदान कति भन्ने थाहा हुने भन्दै गभर्नर अधिकारीले नेपालले पनि डिजिटल क्षेत्रको विकासमा थप काम गर्नु आवश्यक भएको औँल्याए ।
प्रकाशित मिति: सोमबार, साउन १५, २०८०
-1733641946.jpg)
-1732776560.jpg)
-1732776560.jpg)
