काठमाडौं,२६ असार । सोलुखुम्बुको सुर्केबाट काठमाडौंका लागि उडेको ९-एनए एमभी कलसाइन भएको मनाङ एयरको दुर्घटनाग्रस्त हेलिकोप्टरमा सवार सबै ६ जनाको शव फेला परेको छ ।
सोलुखुम्बुको लिखुपिके गाउँपालिका ५ साविक भकान्जे गाविसस्थित लामाजुराको चिहानडाँडामा दुर्घटनाग्रस्त अवस्थामा भेटिएको हेलिकोप्टरमा सवार सबै ६ जनाको शव फेला परेको प्रहरीले जनाएको छ ।
मंगलबार बिहान १० बजेर १ मिनेटमा सोलुखुम्बुबाट काठमाडौंका लागि उडेको मनाङ एयरको ‘एनए एमभी’ कलसाइनको हेलिकोप्टर सोलुखुम्बुको लिखुपिके गाउँपालिका ५ स्थित लाम्जुरापास क्षेत्रमा दुर्घटना भएको थियो । उक्त हेलिकोप्टर ‘रुखमा ठोक्किएर’ दुर्घटना भएको प्रहरीको प्रारम्भिक अनुसन्धान निष्कर्ष छ ।अहिले प्राप्त भएका शवहरु संकलन गर्ने काम भइरहेको प्रहरीले जनाएको छ ।
प्रकाशित मिति: मंगलबार, असार २६, २०८०
-1732776560.jpg)
