काठमाडौँ । लगातार तीन कारोबार दिन घटेको नेप्से परिसूचक मङ्गलवार दोहोरो अङ्क बढेर बन्द भएको छ । नेप्से परिसूचक १२.७३ अङ्क बढेर बन्द भएको हो ।
नेप्से ०.६१ प्रतिशतले बढेर २०८८.७० विन्दुमा बन्द भएको छ । घटेको बजारमा खरिदकर्ता बढेपछि बजारले लय लिएको छ ।
यस दिन दुई अर्ब ५७ करोड रुपैयाँको सेयर कारोबार भएको छ । म्युचुअल फन्ड, ऋणपत्रलगायत २८२ धितोपत्रको ६४ लाख ५० हजार ९३४ कित्ता खरिद-बिक्री भएको छ ।
कारोबारमा आएका १३ वटै समूहगत परिसूचक वृद्धि भएको छ । सर्वाधिक परिसूचक वृद्धि होटेल तथा पर्यटन समूहको भएको छ । यो समूहको परिसूचक २.३६ प्रतिशतले वृद्धि भएको छ ।
सिटी होटेलको सेयर मूल्य ९.९९ प्रतिशतले वृद्धि भएको छ । यो होटेलको सेयर मूल्य ९.९९ प्रतिशतले वृद्धि भएर प्रतिकित्ता ५५९ रुपैयाँ ७० पैसा कायम भएको छ ।
नागरिक लगानी कोषको सर्वाधिक मूल्यको सेयर कारोबार भएको छ । यो कम्पनीको १२ करोड १७ लाख रुपैयाँको सेयर खरिद-बिक्री भएको छ ।
प्रकाशित मिति: मंगलबार, असार १९, २०८०
-1733641946.jpg)
-1732776560.jpg)
-1732776560.jpg)
