काठमाडौँ -नेपाली सेनाले अविरल वर्षाका कारण बाढी तथा पहिरो प्रभावितको उद्दार तथा खोजी कार्य जारी राखेको छ । प्रभावित ईलाकाहरुमा नेपाली सेनाका स्थानीय युनिटहरुबाट परिचालित फौजले निकायहरुका साथै सर्वसाधारणसँगको सहकार्यमा खोज तथा उद्धार कार्य जारी राखेका हुन्।
यसै क्रममा मेची राजमार्ग अन्तर्गत पाँचथरको फिदिम नजिक हेवाखोलामा अस्थायी प्रयोगको लागि बाँसको फड्के पुल निर्माण गरिएको छ । साथै, पाँचथर जिल्लामा विस्थापित परिवारहरुलाई वितरण गर्नको लागि राहत सामग्री नेपाली सेनाको हेलिकप्टरद्बारा ढुवानी गरि जिल्ला विपद् व्यवस्थापन समिति, पाँचथरलाई बुझाएको सेनाले जनाएको छ ।
भोजपुर जिल्ला, भोजपुर नगरपालिका(१०, साङ्पाङ्ग टोल र डेलीखर्कका स्थानीयहरुको घर माथी गएको पहिरो पन्छाइ रोकथाम गर्ने कार्य गरिएको छ । त्यस्तै संखुवासभा जिल्ला, पाँचखपन नगरपालिका ४, ५ र ७ स्थित हेवावेशी दोभान ईलाकामा शव तथा सामानहरुको खोजतलास गर्नुका साथै बाढीका कारण खोलाको बहाव अन्यत्र गएका स्थानहरुमा डोजर लगायतका उपकरणको समेत प्रयोग गरी खोलाको बहावलाई पहिलेकै धारमा ल्याउने कार्य गरिएको छ ।
त्यसैगरी रौतहट जिल्ला, राजदेवी नगरपालिका(३, चण्डीयास्थित बागमती नदीको बिच फाँटमा फसेका स्थानीयहरुलाई सकुशल उद्धार गरिएको छ । ओखलढुङ्गा जिल्ला, चम्पादेवी गाउँपालिका(८ स्थित विलन्दु गाउँका पहिरो पिडितहरुलाई स्थानीय निकायको सहयोगमा सुरक्षित स्थानमा स्थानान्तरण गरिएको छ ।
प्रकाशित मिति: आइतबार, असार १०, २०८०
-1732776560.jpg)
