काठमाडौँ । आर्थिक वर्ष २०७९-०८० सकिनै सकिनै लाग्दा सरकारले गर्ने खर्च ११ खर्ब ७६ अर्ब ६ करोड रुपैयाँ पुगेको छ भने आम्दानी आठ खर्ब ८० अर्ब ३८ करोड भएको छ ।
महालेखा नियन्त्रक कार्यालयका अनुसार खर्च लक्ष्यको ६५.५६ प्रतिशत भएको छ । आम्दानी भने लक्ष्यको ६० प्रतिशत प्राप्त भएको छ ।
सरकारले चालु आर्थिक वर्षमा चालु, पुँजीगत र वित्त व्यवस्थापन गरी १७ खर्ब ९३ अर्ब ८३ करोड रुपैयाँ खर्च गर्ने लक्ष्य राखेको छ । त्यस्तै राजस्व, सहायता र अन्य प्राप्तिबाट १४ खर्ब ५८ अर्ब ६० करोड रुपैयाँ सङ्कलन (आम्दानी) गर्ने लक्ष्य राखेको छ ।
आर्थिक वर्ष सकिन एक महिना बाँकी रहँदा सरकारले लक्ष्यअनुसार खर्च र आम्दानी गर्न सकेको छैन । त्यसमा पनि पुँजीगत खर्चतर्फ त सरकारले प्रयाप्त खर्च गर्न सकेको छैन ।
सरकारले चालु आर्थिक वर्षमा तीन खर्ब ८० अर्ब रुपैयाँ खर्च गर्ने लक्ष्य राखेको छ । जेठ ३२ गतेसम्म एक खर्ब ५३ अर्ब रुपैयाँ पुँजीगत खर्च भएको छ ।
प्रकाशित मिति: शुक्रबार, असार १, २०८०
-1733641946.jpg)
-1732776560.jpg)
-1732776560.jpg)
