कञ्चनपुर । सीमावर्ती भारतीय बजार बनबासा नजिकै सडक दुर्घटना हुँदा चार जनाको मृत्यु भएको छ ।
शनिबार मध्याह्न भारत उत्तराखण्डको बनबासा–खटीमा सडक खण्ड अन्तर्गत चकरपुरमा कार र दुई स्कुटर ठोक्किँदा चार जनाको मृत्यु भएको हो ।
भीमदत्त नगरपालिका–२ उल्टा खाम र भारत उत्तराखण्डको उद्यमसिंहनगर जिल्ला अन्तर्गत खटीमा नजिकै मुडेलीमा गरी दोहोरो बसोबास भएका ६० वर्षीय नेमबहादुर चन्द, उनकी श्रीमती ५६ वर्षीया सरस्वती, बुहारी २७ वर्षीया नर्मदा र ४२ वर्षीया भाइ–बुहारी कल्पना चन्दको मृत्यु भएको बताइएको छ ।
उनीहरू सबै कञ्चनपुरको भीमदत्त नगरपालिका–२ उल्टाखाममा पूजापाठ सकेर मुडेलीतर्फ फर्किरहेका थिए । २ वटा स्कुटरमा गइरहेका उनीहरू चकरपुरमा कारसँग ठोक्किएका हुन् । दुर्घटनामा परेर घाइते भएका उनीहरूलाई अस्पताल पुर्याउने बित्तिकै मृत घोषणा गरिएको थियो ।
प्रकाशित मिति: आइतबार, जेठ २८, २०८०
-1732776560.jpg)
