काठमाडौं । अर्थमन्त्री डा. प्रकाशशरण महतले, सामूहिक प्रयासले मात्रै बीमा क्षेत्रको व्यवस्थित विकास सम्भव रहेको बताएका छन् ।
काठमाडौंमा एसियन इन्स्योरेन्स मिट २०२३ लाई सम्बोधन गर्दै डाक्टर महतले राष्ट्रको विकासका लागि विकसित वित्तीय प्रणाली महत्त्वपूर्ण हुने भन्दै उनले त्यसका लागि सबैको सामूहिक प्रयास आवश्यक रहेको बताए ।
उनले भने ‘ सहज बीमा क्षेत्र निर्माणको प्रयासमा सहकार्य र नवीनता महत्पूर्ण पाटो हो । नियामकहरू, बिमाकर्ताहरू, पुनर्बीमा, र सहजकर्ताले बलियो जोखिम व्यवस्थापन ढाँचाहरू विकास गर्न, पर्यवेक्षक संयन्त्रहरू बढाउन सामूहिक प्रयास गर्नुपर्छ।’
वित्तीय साक्षरता बढाउन र बीमामा आम नागरिकको पहुँच बढाउन लचिलो जीवन बीमा बजार आवश्यक रहेको उनको भनाई छ ।
‘हामी एक महत्त्वपूर्ण मोडमा उभिएका छौँ जहाँ हामी परम्परागत र नयाँ दुवै जोखिममा अभूतपूर्व वृद्धि देखिरहेका छौँ।’ उनले भने ‘हामीले प्राकृतिक प्रकोप, आर्थिक अस्थिरता, साइबर खतरा र महामारीको विनाशकारी प्रभावहरू अनुभव गरेका छौँ।’
यस्ता समस्या बढिरहेका बेला बीमा बजारलाई थप व्यवस्थित गर्नु पर्ने चुनौती बढेको उनको भनाई छ ।
प्रकाशित मिति: शुक्रबार, जेठ २६, २०८०
-1733641946.jpg)
-1732776560.jpg)
-1732776560.jpg)
