काठमाडौँ । एसीसी प्रिमियर कप क्रिकेटमा आज दुई खेल हुँदैछ।
त्रिवि क्रिकेट मैदान कीर्तिपुरमा युएई र सिंगापुरबीच खेल हुदैछ भने मूलपानी क्रिकेट मैदानमा मलेसिया र ओमान भिड्नेछन्।
दुवै खेल बिहान ९ बजे शुरु हुनेछ । समूह बीमा रहेको सिंगापुरले यसअघि खेलेको दुई खेलमा नै हार व्यहोरेको छ। त्यसैले सिंगापुर पहिलो जित निकाल्ने खोजीमा छ ।
यूएईले दुई खेलमा एकमा जीत र एकमा हार ब्यहोरेको छ। यस्तै समूह ‘ए’को दोस्रो स्थानमा रहेको मलेसियाले एक खेलमा जीत र एक खेलमा हारेको छ।
वैशाख १८ गते सम्म सञ्चालन हुने प्रतियोगिताका खेलहरू कीर्तिपुरस्थित टियु मैदान र मुलपानीमा रहेको क्रिकेट मैदानमा खेल सञ्चालन हुनेछ ।
कुल २४ खेल हुने प्रतियोगिताको फाइनल खेल वैशाख १८ गते टियु मैदानमा आयोजना हुनेछ ।
यस प्रतियोगितामा १० राष्ट्रको सहभागिता रहेको छ । सहभागी १० राष्ट्रलाई दुई समूहमा विभाजन गरिएको छ ।
समूह ‘ए’ मा आयोजक नेपाल सहित मलेसिया,साउदी अरेबिया, कतार र ओमान रहेका छन् ।
समूह ‘बी’ मा बहराइन,कुवेत,सिंगापुर,हङकङ र युएई रहेका छन् ।
प्रकाशित मिति: आइतबार, वैशाख १०, २०८०
