वीरगञ्ज । पर्साको पर्सागढी नगरपालिकाबाट प्रहरीले जुवातास खेलिरहेका १० जनालाई पक्राउ गरेको छ ।
जुवातास खेल्दै गरेको अवस्थामा प्रहरीले छापामार गरेर पूर्व वडा अध्यक्ष वेदमन दास थारु, स्थानीय शिक्षक गौरीशङ्कर चौधरीलगायतलाई पक्राउ गरिएको हो ।
पर्सागढी नगरपालिका–३ बढनियार स्थित भागवत साहको घरबाट नगद र ताससहित उनीहरूलाई नियन्त्रणमा लिएको प्रहरीले जनाएको छ ।
१ लाख २८ हजार १ सय ४० रुपैयाँ, ४ बुक ताससहित १० जनालाई पक्राउ गरिएको जिल्ला प्रहरी कार्यालय पर्साले जनाएको छ ।
प्रकाशित मिति: सोमबार, माघ २, २०७९
