काठमाडौँ । नेपाली राष्ट्रिय क्रिकेट टिमका पूर्व कप्तान पारस खड्काले भारतमा आयोजना हुने लेजेन्ड्स लिग क्रिकेट खेल्ने भएका छन् ।आगामी सेप्टेम्बर अक्टोबरमा हुने लिगका लागि सार्वजनिक पोस्टरमा लेजेन्ड्स लिग क्रिकेटले पारसको नाम पनि सार्वजनिक गरेको हो ।
उक्त पोस्टरमा पारस लगायत विश्वभरका सात खेलाडीले लेजेन्ड्स लिग खेल्ने उल्लेख गरिएको छ ।विश्वभरका चर्चित पूर्व खेलाडीहरू सम्मिलित हुने यस प्रतियोगिताको पहिलो संस्करण ओमानमा आयोजना भएको थियो ।
वल्ड जायन्ट, एसिया लियोन्स र इन्डिया महाराजा गरी तीन टिमले प्रतिस्पर्धा गरेका थिए । जसको उपाधि वल्ड जायन्ट्सले जितेको थियो भने एसिया लियोन्स दोस्रो भएको थियो ।
प्रकाशित मिति: आइतबार, साउन ८, २०७९
