काठमाडौँ । बुटवलको एक होटेलमा बास बस्न गएकी एक किशोरी होटेलमै मृत फेला परेकी छन् । उनीसँगै गएका युवक भने सोही दिन राती नै होटेलबाट निस्केर हिँडेको होटेल सञ्चालकले जानकारी दिएका छन् ।
प्रहरीका अनुसार बुटवल उपमहानरपालिका-३ मा रहेको पाल्पाली होटेलको कोठामा सोही नगरपालिका २ की १६ वर्षीया समीक्षा गुरुङ मृत फेला परेकी हुन् । एक युवकको साथ समीक्षा शुक्रबार राती करिव साढे १० बजे त्यस होटेलमा पुगेको बताइएको छ ।
युवक राती नै खान खाएको बिल तिरेर निस्किएको होटेलवाले प्रहरीलाई बताएका थिए । शनिबार दिउँसो उक्त होटेलको कोठामा झुन्डिएको अवस्थामा मृत्यु भएको खबर भएपछि प्रहरी घटना स्थलमा पुगेर मृतकको सनाखत गरेको थियो । बेपत्ता युवकको पहिचान खुल्न नसकेको प्रहरीले जनाएको छ ।
प्रकाशित मिति: आइतबार, असार २६, २०७९
-1733641946.jpg)
-1732776560.jpg)
-1732776560.jpg)
