वासिङटन डिसी । गैर आवासीय नेपाली संघ राष्ट्रिय समन्वय परिषद अमेरिकाको अध्यक्षमा डा. केशव पौडेल विजयी भएका छन । उनी सन २०१९ सम्मका लागि निर्वाचित भएका हुन । निर्वाचन समितिका अनुसार पौडेलले ४२२९ मत प्राप्त गरेका छन् भने उनका निकटम प्रतिद्वन्दी रबिना थापाले ३०८५ मत प्राप्त गरेकी छिन । अध्यक्ष पदका अन्य प्रतिस्पर्धी राम पोख्रेलले ९६४ र कृष्ण पोख्रेललाई ७८३ मत प्राप्त गरेका छन । निर्वाचनबाट बरिष्ट उपाध्यक्षमा सुनिल शाह विजयी भएका छन । त्यस्तै महासचिव पदमा बीआर लामा २५९३ मत प्राप्त गरी विजय भए । निर्वाचनबाट सचिवमा होमनाथ गौतम, कोषाध्यक्षमा डा प्रकाश अर्याल, सहकोषाध्यक्षमा पवन योन्जन विजयी भएका छन । क्षेत्रीय उपाध्यक्षहरुमा राधा पौडेलले ४२९० मत, रामकुमार सुबेदी २८५१, जेदु पोख्रेलले ४०४६, उमा कार्की थापाले ४१८४ मत प्राप्त गरी विजयी भए । महिला संयोजकमा इन्दिरा त्रिपाठी विजयी भएकी छिन । कार्य समिति सदस्यमा डा अर्जुन बन्जाडे, कृष्ण लामिछाने, तृष्णा शर्मा, सञ्जय थापा, दिव्या केसी ओली, गोपेंद्रराज भट्टराई, बिन्दु सापकोटा निरौला, अमृत कट्टेल, प्रीति सगर खत्री, आङ शेर्पा र विष्णु बहादुर शाह विजयी भएका छन । एनआरएनको अन्तर्राष्ट्रिय समन्वय समितिका लागि गोमा सेन, धर्म भट्टराई, बिश्नुमान प्रधान, प्रकाश सापकोटा, बन्दना कोइराला, बेदराज बस्नेत, डिल्लीराम भट्टराई र बलराम थापा विजयी भएका छन ।
प्रकाशित मिति: बिहीबार, भदौ २२, २०७४
-1733641946.jpg)
-1732776560.jpg)
-1732776560.jpg)
