काठमाडौँ । अछामको पञ्चदेवल विनायक नगरपालिका–४ कालिका स्थानमा मृत अवस्थामा भेटिएका १७ वर्षका किशोरको हत्या आरोपमा किटानी जाहेरी दर्ता भएको छ ।
कक्षा १० मा अध्ययनरत विनोद शाही जेठ २१ गते मृत अवस्थामा फेला परेपछि उनको हत्याको आरोपमा पीडितले पञ्चदेवल विनायक नगरपालिकाका प्रमुख अम्बिका चलाउनेसहित १३ जनाविरुद्ध किटानी जाहेरी दर्ता गराएका छन् ।
प्रहरीले जाहेरी दर्ता गरेपछि पीडितले शव बुझेका छन् । मृतक शाहीको शव जिल्ला अस्पताल मङ्गलसेनमा पोस्टमार्टम गरिएको छ । पोस्टमार्टमको रिपोर्ट आउन भने आउन बाँकी रहेको छ ।
घटनास्थलमा पुगेको प्रहरी प्रधान कार्यालय मातहत रहेको केन्द्रीय अनुसन्धान ब्युरो (सीआईबी)को टोलीले शङ्कास्पद ५ जनालाई पक्राउ गरेकोमा ३ जनालाई छाडिएको छ । घटनामा संलग्न नदेखिएपछि ३ जनालाई छोडिएको हो ।
प्रकाशित मिति: बिहीबार, जेठ २६, २०७९
-1732776560.jpg)
