न्यूयोर्क । बेलायत, अमेरिका, फ्रान्स, अल्बानिया, आयरल्यान्ड र नर्वे लगायत छ देशको अनुरोध पछि संयुक्त राष्ट्र सुरक्षा परिषद् (यु एन एस सी) को आकस्मिक बैठक बोलाइएको छ। बिहीबारको लागि बैठक बोलाइएको हो ।
बेलायत र अल्बानिया, फ्रान्स, आयरल्यान्ड, नर्वे, र संयुक्त राज्य अमेरिका ले सुरक्षा परिषद्को बैठक बोलाएको छ ।
रुसले युद्ध अपराध गरिरहेको छ र सर्वसाधारणलाई निशाना बनाएको छ । युक्रेनमा रुसको गैर कानुनी युद्ध हामी सबैका लागि खतरा हो,” संयुक्त राष्ट्रसङ्घका लागि बेलायतको स्थायी नियोगले आफ्नो ट्विटरमा लेखेको छ।
बेलारुसमा भइरहेको वार्तामार्फत रुस र युक्रेनले वार्ताका माध्यमबाट समाधानका लागि निरन्तर प्रयास गरिरहेको बेला यो घटनाक्रम आएको हो ।
युक्रेनका राष्ट्रपति भोलोडिमिर जेलेन्स्कीले रुस र युक्रेनबीचको शान्ति वार्ता प्रगतिमा रहेको तर निकै कठिन रहेको बताएका छन् ।
वार्ता अझै प्रगतिमा छ। वार्ता एकदमै कठिन छ, र वार्ताको वर्तमान अवस्था, म यो जारी छ भन्न चाहन्छु, जेलेन्स्कीले बुधबार शान्ति वार्ताको स्थिति बारे सोध्दा उक्त टिप्पणी गरेका छन्।
बुधवार चौथो चरणको वार्ता जारी रहँदा केही विवरणले युक्रेनी प्रतिनिधिमण्डलका सदस्यले दुई पक्ष अब सहमतिमा पुग्न इच्छुक रहेको भन्दै वार्ता केही प्रगतिमा पुग्ने सुझाव दिएको छ।
प्रकाशित मिति: बिहीबार, चैत ३, २०७८
