काठमाडौँ । सरकारले आसन्न स्थानीय निर्वाचनका लागि म्यादी प्रहरीको भर्ना खुलाएको छ । मङ्गलवार (आज) साँझ प्रहरी प्रधान कार्यालयले भर्ना खुलाएको हो ।
आवेदन चैत ६ गतेदेखि ११ गतेसम्म दिन सकिने छ । म्यादी प्रहरीले प्रहरी जवानको सेवा सुविधा बराबर ४० दिनको तलब पाउने छन् ।
कार्यालय खुला भएको दिन बिहान १० बजेदेखि साँझ ५ बजेसम्म देशभरका ७७ वटै जिल्ला प्रहरी कार्यालयबाट म्यादी प्रहरीका लागि आवेदन दिन सकिने छ । १८ वर्ष पुरा भई ५४ वर्ष ननाघेकाले म्यादी प्रहरीमा आवेदन दिन सक्नेछन् ।
चैत १५ गतेदेखि छनोट प्रारम्भ हुने छ । चैत २२ गतेसम्म छनोट सम्पन्न गर्ने र चैत २८ गतेदेखि प्रशिक्षण सुरु गर्ने प्रहरी प्रधान कार्यालयको तयारी छ ।
प्रकाशित मिति: मंगलबार, चैत १, २०७८
-1732776560.jpg)
