काठमाडौँ । सेयर बजारको परिसूचक नेप्से २५ सय अङ्क नाघेको छ । बुधबार नेप्सेले ९२.१६ अङ्कको छलाङ मारेसँगै २५०७ अङ्कमा पुगेको हो ।
कारोबार रकम मंगलबारको तुलनामा झन्डै दोब्बर भएको छ । मंगलबार २ अर्ब ३८ करोडको कारोबार भएकोमा आज ४ अर्ब ५२ करोड रुपैयाँको सेयर किनबेच भएको छ ।
सबै उपसमूहमा हरियाली छाएको छ । बैङ्किङ ३७, व्यापार २०२, होटल तथा पर्यटन १०३, विकास बैङ्क २३०, जलविद्युत १६२, फाइनान्स ७४, निर्जीवन बीमा ४८७, उत्पादन ४५२, अन्य ६४, माइक्रो फाइनान्स १८२ र जीवन बीमा उपसमूह ५०२ अङ्कले बढेका छन् ।
१८६ कम्पनीको सेयर मूल्य बढ्यो भने २ कम्पनीको मात्रै घट्यो । एउटा कम्पनीको मूल्य स्थिर रह्यो । ४ कम्पनीको मूल्य १० प्रतिशत बढेको छ ।
अरुणभ्याली हाइड्रो, बरुण, माथिल्लो तामाकोसी, शिवम् सिमेन्टको मूल्य १० प्रतिशतले बढेको हो । स्वाभिमान लघुवित्त, सगरमाथा इन्स्योरेन्सको मूल्य ९।९ प्रतिशतले बढेको छ । धेरै कारोबारका आधारमा हिमालयन डिस्टिलरी अगाडि रह्यो ।
तरलता सङ्कट समाधानका लागि केही उपाय अपनाइएसँगै बजारमा सकारात्मक प्रभाव परेको हो । सरकारले स्थानीय तहको ८० प्रतिशत रकम बैङ्कमा निक्षेपका रुपमा जम्मा गर्न पाउने व्यवस्था गरेको छ ।
त्यस्तै राष्ट्र बैङ्कले आयातित बस्तुको एलसी खोल्दा नै बस्तुको प्रकृतिअनुसार शत प्रतिशतसम्म बैङ्कमा नगद जम्मा गर्नुपर्ने व्यवस्था गरेको छ । यसले गर्दा तरलतामा केही सहजता हुने अनुमानका बीच सेयर बजार बढेको हो ।
प्रकाशित मिति: बुधबार, पुस ७, २०७८
-1733641946.jpg)
-1732776560.jpg)
-1732776560.jpg)
