काठमाडौँ । साताको पहिलो दिन आज (आइतबार) सेयर बजारमा भारी अङ्कको गिरावट आएको छ । बजारको परिसूचक नेप्से ८८.७० अङ्कले घटेको छ ।
सो अङ्कको कमीपछि नेप्से २३६१ अङ्कमा कायम भएको छ । यो अङ्क करिब ११ महिनायताकै न्यून हो । भदौ २ गते नेप्सेले हालसम्मै उच्च अङ्क ३१९८ रेकर्ड बनाएपछि ओरालो यात्रामा छ ।
कारोबार रकममा आइतबार सामान्य सुधार देखिएको छ । ३ अर्ब १९ करोड रुपैयाँको सेयर किनबेच भएको छ । यसअघि गत बिहीबार २ अर्ब ६७ करोडको कारोबार भएको थियो । तरलता सङ्कट चुलिँदै जाँदा सेयरमा खरिद पक्ष झनै कमजोर बनेको छ ।
सबै उपसमूह राताम्मे भएका छन् । बैङ्किङ ४४, व्यापार १८९, होटल तथा पर्यटन ८७, विकास बैङ्क २८१, जलविद्युत १२४, फाइनान्स १००, निर्जीवन बीमा ४९०, उत्पादन १८६, अन्य ६३, माइक्रो फाइनान्स १७५, जीवन बीमा ५०७ र लगानी उपसमूह ३ अङ्कले घटे ।
आइतबार १८४ कम्पनीको सेयर मूल्य घट्यो भने जम्मा ५ कम्पनीको मात्रै बढ्यो । युनिलिभर नेपालको मूल्य सबैभन्दा धेरै २ प्रतिशत बढ्यो
मूल्य बढेका अरू ४ कम्पनीमा स्वाभिमान लघुवित्त, नारायणी डेभलपमेन्ट बैङ्क, मञ्जुश्री फाइनान्स र सपोर्ट माइक्रो फाइनान्स छन् । नयाँ सारथी लघुवित्तको मूल्य सबैभन्दा धेरै १० प्रतिशतले घट्यो ।
प्रकाशित मिति: आइतबार, मंसिर २६, २०७८
-1733641946.jpg)
-1732776560.jpg)
-1732776560.jpg)
