काठमाडौँ । सेयर बजारको परिसूचक नेप्से २६ सयमुनि झरेको छ । साता कारोबारको अन्तिम दिन आज (बिहीबार) ४९ अङ्क घटेसँगै परिसूचक २५८४ मा कायम भएको हो ।
यस दिन कारोबार रकम भने केही बढेको छ । हिजो २ अर्ब ७४ करोडको धितोपत्र कारोबार भएकोमा आज ३ अर्ब ४१ करोड कायम भएको छ । कुल १७७ कम्पनीको सेयर मूल्य घट्दा ११ कम्पनीको मात्रै बढ्यो ।
सबै उपसमूह राताम्मे भएका छन् । बैङ्किङ १७, व्यापार ३६, होटल तथा पर्यटन ६२, विकास बैङ्क १८९, जलविद्युत ६६, फाइनान्स ९३, निर्जीवन बीमा २४५, उत्पादन १५३, अन्य ७५, माइक्रो फाइनान्स ८४ र जीवन बीमा २३० अङ्कले घटे ।बजार राताम्मे हुँदा दुई कम्पनीको मूल्य १० प्रतिशतले बढेको छ । सामलिङ पावर र न्यादी हाइड्रोपावरको मूल्य १० प्रतिशतले बढेको हो ।
हालै सूचीकृत भएकाले यी कम्पनीको मूल्य केही दिनयता निरन्तर १० प्रतिशतले बढेको छ । सामलिङको मूल्य प्रतिकित्ता ५०७.५० तथा न्यादीको ४१३.१० रुपैयाँ पुगेको छ ।
प्रकाशित मिति: बिहीबार, मंसिर १६, २०७८
-1733641946.jpg)
-1732776560.jpg)
-1732776560.jpg)
